பள்ளி வருமுன்
பஞ்சரானது
புது சைக்கிள்
வகுப்பு வாசலில்
தடுக்கி
விழுந்தேன்
வந்த பின்
முதல் பெஞ்சில்
அமர்த்தப்பட்டேன்
கரும்பலகை
அழிக்க
கட்டளையிடப்பட்டேன்
அதீத வெயிலால்
அன்று மதிய
சோறும் கெட்டது
பச்சத் தண்ணீரும்
சூடாக
உள்ளிறங்கியது
பசிதூக்கத்தில்
வீழ்ந்ததால்
உரைநடை
உரக்கப் படிக்க
உத்தரவிடப்பட்டேன்
கடைசி
பீ.டீ பீரியடும்
கணக்கு வாத்தியருகே
கடனளிக்கப்பட்டது
இவ்வனைத்து
துர் சம்பவங்களின்
துயர காரணம்
வருகைப் பதிவேட்டில்
அவள்
வாரா நாட்களே !
ஈரிரெண்டு மணி
நேரங் கழித்து
ஓரிரு வார்த்தைகளை
மட்டுமே கொட்ட
முடிந்தது
முதல் சந்திப்பில்..
முன்னோட்டம் பார்த்த
வார்த்தைகள் யாவும்
தொண்டைக்குள் வெட்கி
சிக்கியதில் வாயிற்
வாசலில்
வந்த முதல்
வார்த்தை 'வாங்க'
தொண்டையினுள் சிக்கிய
வார்த்தைகளை சுடு
தேநீர்க் கொண்டு
சுட்டு விட்டு
சக்தி முழுதும்
பிரயோகித்து
தைரிய மனைத்தும்
கிரகித்து சொல்ல
வந்த வேளையில்
நீ சொன்ன
வார்த்தையின்
எதிரொலியில்
நான் சொன்ன
இரண்டாம் வார்த்தை
'போகலாம்'
சொன்ன
இரு வார்த்தையும்
உன்னோடு சேர்த்தால்
என்னோடு வருவாயா ?
உதட்டோரம் கசிந்த
சிரிப்பு நழுவி
கன்னக் குளத்தில்
விழுந்ததும்
சுட்டு விரல்
கொண்டு கண்ணடி
கறுமைத் தொட்டு
கலந்ததில்
பேனா முனைத்
தொட்டெழுதிய
எழுத்துக்களுக்கும்
கிறுக்குப் பிடித்து
இடமாறி இடறி
சொல்லும் பொருளும்
அவளதரமும் அதன்
நகையுமாகி
நாம சங்கீர்த்தனமாகியது
அக்கருமை
கனந்தாங்காது
காகிதத்துக்கும்
மயக்கம் வந்து
கன மேசையடியில்
கிடத்திய
பின்
தரணி
தலை
சுற்றியது
குயில்களின்
கானத்தை
கையிறாகத்
திரித்து
மாலையது
மதியின்
மஞ்சளொளில்
தோய்த்தெடுத்து
மழலைக் குரல்
கொண்ட
மங்கையவள்
செங்கழுத்தில்
படரவிட்டு
காதலென்ற
மூன்றெழுத்து
கொண்டு
முடிந்து
விட வேண்டும்
வார்குழலது வாஞ்சையோடு
கன்னம் தீண்டும்பொழுது
மெல்லச் சிணுங்க
மேலுதடு சுருங்க
விழுந்த பள்ளமதில்
விரலது கடந்து
செவியோரம் சேர்த்து
மறைத்த பின்
நொடியது பாதியில்
இடப்புறம் நோக்கி
வலக்கண் ஏதும்
வாள் சுழற்றுதோ
என்றாய்ந்து நுகர்வோர்
யாருமில்லா என்றுணர்ந்து
கண்ணோரம் சிறு
கவிதைபாடி
கடந்து சென்றதும்
எம்மனக்கண்
கண்ட இவ்விளக்கத்திற்கு
அப்பொருள் தானே ?
உறவினர் எதிர்க்கையில் உறவறத்து உடனிருந்தவள்
உடன்பிறந்தோர் இகழ்கையில் உளமாற ஊக்கமளித்தவள்
குறை கண்டு விலகி குறுகிய போதெல்லாம்
